सगळ्या वाटा अचानक लुप्त का व्हाव्यात?
सगळ्या दिशा अंधार्या का वाटाव्यात?
अशा वेळी सांग तू स्वप्नात येशील का?
तो पहाड अजस्र दुर्लभ का वाटावा?
स्वत:वरचा विश्वास अचानक का ढळावा?
अशा वेळी सांग तू स्वप्नात येशील का?
एकच शब्द तुझा - असेना का स्वप्नातला-
पाउस त्याने बरसून टाकावा -
मातीच्या ओल्या गंधाने
मनाचा आसमंत सुगंधित व्हावा ---
हव्याहव्याश्या मेघ-मल्हारासाठी सांग,
तू स्वप्नात येशील का?
सगळ्या वाटा स्वच्छ दिसाव्यात
दाही दिशा झगमगून जाव्यात
निदान माझ्या मागल्या स्वप्नभेटीची
परतफेड म्हणून तरी सांग,
तू स्वप्नात येशील का?
No comments:
Post a Comment